27 ივლისს ამბროლაურის მუნიციპალიტეტის მეორე მოწვევის საკრებულოს მეთვრამეტე (მორიგი) სხდომა გაიმართა.
სხდომას თავმჯდომარეობდა ამბროლაურის მუნიციპალიტეტის საკრებულოს თავმჯდომარე – ასლან საგანელიძე.
სხდომას ესწრებოდნენ: ამბროლაურის მუნიციპალიტეტის მერი – ზვიად მხეიძე, მერიის სტრუქტურული ერთეულების თანამშრომლები, გაზეთ „ამბროლაურის მოამბეს“ რედაქტორი – დალი დარახველიძე.
საკრებულომ დამაკმაყოფილებლად შეაფასა:
ამბროლაურის მუნიციპალიტეტის მერიის სივრცით ტერიტორიული მოწყობისა და ინფრასტრუქტურის სამსახურის უფროსის ანგარიში 2022 წლის 01 იანვრიდან და 01 ივლისამდე გაწეული საქმიანობის შესახებ.
ამბროლაურის მუნიციპალიტეტის მერიის ეკონომიკისა და ქონების მართვის სამსახურის ხელმძღვანელის ანგარიში 2022 წლის 01 მაისიდან 01 ივლისამდე გაწეული საქმიანობის შესახებ.
ცვლილება შეიტანა:
„ამბროლაურის მუნიციპალიტეტის საკრებულოსა და მერიაში შრომითი ხელშეკრულებით დასაქმებულ პირთა რაოდენობისა და მათი თანამდებობრივი სარგოების ოდენობის განსაზღვრის შესახებ“ ამბროლაურის მუნიციპალიტეტის საკრებულოს 2021 წლის 16 დეკემბრის N99 განკარგულებაში.
„ამბროლაურის მუნიციპალიტეტის საკრებულოსა და მერიის სამსახურეობრივი სარგებლობის ტრანსპორტისათვის საწვავის განაწილების შესახებ“ ამბროლაურის მუნიციპალიტეტის საკრებულოს 2017 წლის 08 დეკემბრის N20 განკარგულებაში.