ამბროლაურში, საყოველთაო დაზღვევის ფარგლებში ოფთალმოლოგიური ოპერაციები გაიმართება
ამბროლაურის მუნიციპალიტეტისა და თვალის მიკროქირურგიის ჯავრიშვილის კლინიკა – ,,ოფთალმიჯის” ერთობლივი თანამშრომლობით პერიოდულად ხორციელდება სამედიცინო აქცია, რომლის ფარგლებშიც მოსახლეობას საშუალება აქვს ადგილზე ჩაიტარონ ოფთალმოლოგიური ოპერაციები და ისარგებლონ მოწვეული ექიმი-ოფთალმოლოგის კონსულტაციით.
აქციის ფარგლებში 4 აგვისტოს ოფთალმოლოგიური ოპერაციები იგეგმება, 6 აპრილს კი მოსახლეობას საშუალება ექნება უფასო კონსულტაციებით ისარგებლოს.
,,ამბროლაურის მუნიციპალიტეტში, ადგილობრივი მოსახლეობის საჭიროებიდან გამომდინარე, მნიშვნელოვანი ჯანდაცვის და სოციალური პროგრამები ხორციელდება. ასევე, პერიოდულად ადგილზე ტარდება სხვადასხვა სახის უფასო სამედიცინო კვლევები და ოპერაციები, რომლის ფარგლებშიც მსურველებს საშუალება აქვთ მოწვეული, სხვადასხვა პროფილის სამედიცინო პერსონალის მომსახურებით ისარგებლონ” – აღნიშნა მუნიციპალიტეტის მერმა ზვიად მხეიძემ.
დამატებითი ინფორმაციისთვის შეგიძლიათ მიმართოთ ამბროლაურის სოციალურ და ჯანდაცვის სამსახურს – 599 27 76 05