30 იანვარს, ამბროლაურის მუნიციპალიტეტის მერმა, ზვიად მხეიძემ, სტრუქტურული ერთეულების ხელმძღვანელებთან, მორიგი ყოველკვირეული სამუშაო შეხვედრა გამართა.
შეხვედრაზე სამსახურების ხელმძღვანელებმა წარმოადგინეს დეტალური ინფორმაციები გასულ პერიოდში შესრულებული და დაგეგმილი სამუშაოების შესახებ.
ინფრასტრუქტურისა და არქიტექტურული ზემდამხედველობის სამსახურების უფროსებმა დეტალური ინფორმაციები წარმოადგინეს განხორციელებულ და მიმდინარე პროექტების შესახებ. აღნიშნეს, რომ ძირითადი ყურადღება გამახვილებული იყო საგზაო ინფრასტრუქტურისა და წყალსადენი სისტემების მოწესრიგებაზე და ამ მიმართულებით, როგორც ქალაქში, ისე სოფლების დიდ ნაწილში მნიშვნელოვანი სამუშაოები განხორციელდა.
ასევე იმსჯელეს სოციალურ და სამედიცინო პროგრამებზე, ეკონომიკისა და ქონების მართვის მიმართულებით დაგეგმილ სიახლეებსა და სხვა მნიშვნელოვან თემებზე.