სოფლის მხარდაჭერის პროგრამის ფარგლებში, სოფ. ხვანჭკარაში სკვერის მოწყობის სამუშაოები დასრულდა.
“სოფლის მხარდაჭერის პროგრამის” ფარგლებში განსახორციელებელი პროექტები უშუალოდ მოსახლეობის გადაწყვეტილებით, დასახლებებში გამართულ საერთო კრებებზე შეირჩა.
მიმდინარე წელს სოფლის მხარდაჭერის სახელმწიფო პროგრამის ფარგლებში, რეგიონებში განსახორციელებელი პროექტების ფონდიდან, ამბროლაურის მუნიციპალიტეტისათვის განსაზღვრულია 734 000 ლარი.
განსახორციელებელ პრიორიტეტებს შორისაა: შიდა გზების რეაბილიტაცია, სასმელი წყლის სისტემების, სანიაღვრე არხებისა და გარე განათების მოწყობა,თავშეყრის ადგილების რეაბილიტაცია და სხვა სოფლისთვის მნიშვნელოვანი მიმართულებები.