ამბროლაურის მერიაში ა(ა)იპ-ების და მერიის სტრუქტურული ერთეულების წარმომადგენლებთან სამუშაო შეხვედრა გაიმართა.
️შეხვედრას რაჭა-ლეჩხუმ ქვემო სვანეთის სახელმწიფო რწმუნებულის პირველი მოადგილე- ქრისტინა კობახიძე, ამბროლაურის მუნიციპალიტეტის მერთან-ზვიად მხეიძესთან და საკრებულოს თავმჯდომარესთან- ასლან საგანელიძესთან ერთად უძღვებოდა.
სამუშაო შეხვედრაზე დეტალურად განიხილეს აღნიშნულ სამსახურებში არსებული მდგომარეობა, მიმდინარე სამუშაოები, დაგეგმილი ღონისძიებები და პრობლემური საკითხები. იმსჯელეს ზოგიერთი მიმართულებით არსებულ ხარვეზებსა და მათი მოგვარების გზებზე. განსაკუთრებული ყურადღება გამახვილდა ზამთრის სეზონისთვის მოსამზადებელ სამუშაოებზე .
ა(ი)იპ-ების ხელმძღვანელებმა წარმოადგინეს ინფორმაციები გასულ პერიოდში შესრულებული სამუშაოებისა და სამომავლო ინიციატივების შესახებ.
ასევე, ისაუბრეს მუნიციპალიტეტის ინფრასტრუქტურული პროექტების, კულტურის, ტურიზმის, სპორტის, სოციალური და სხვადასხვა სფეროების მიმართულებით დაგეგმილი სიახლეების შესახებ .
მსგავსი შეხვედრები სხვადასხვა ა(ა)იპ-ების წარმომადგენლებთან პერიოდულად გაგრძელდება , რაც ხელს შეუწყობს ორგანიზაციების მხრიდან უფრო ეფექტურ მუშაობასა და კონკრეტული სფეროების მეტად განვითარებას.