აფხაზეთიდან დევნილ პედაგოგს, რაჭველ ქალბატონს – ლამარა ქემოკლიძეს საქართველოს დამსახურებული მასწავლებლის სამკერდე ნიშანი გადაეცა
ლამარა ქემოკლიძე 1971 წლიდან, აფხაზეთში განვითარებულ შეიარაღებულ მოქმედებებამდე, ქალაქ გაგრისა და ბიჭვინთის საშუალო სკოლებში ქართული ენისა და ლიტერატურის პედაგოგად მუშაობდა. ლამარა ქემოკლიძეს წლების განმავლობაში მიღებული აქვს სხვადასხვა სახის ჯილდო და სიგელი, მათ შორის, აფხაზეთის სახალხო განათლების წარჩინებული მასწავლებლის წოდება.
ამბროლაურის მუნიციპალიტეტის სახელით ვულოცავთ ქალბატონ ლამარას დამსახურებულ ჯილდოს და მადლობას ვუხდით ხანგრძლივი, ნაყოფიერი პედაგოგიური საქმიანობისა და ახალგაზრდობის აღზრდაში გაწეული ღვაწლისთვის.