ამბროლაურის მუნიციპალიტეტში ადგილობრივი მოსახლეობისთვის უფასო ოფთალმოლოგიური კონსულტაციები მიმდინარეობს.
ამბროლაურის მუნიციპალიტეტისა და თვალის მიკროქირურგიის ჯავრიშვილის კლინიკა – ,,ოფთალმიჯის” ერთობლივი თანამშრომლობის ფარგლებში, მ/წელს უფასო კონსულტაციით 200-ზე მეტმა მოქალაქემ ისარგებლა, რომელთაც სხვადასხვა სახის ოფთალმოლოგიური პრობლემები აღენიშნებოდათ. გარდა ამისა, საყოველთაო დაზღვევის ფარგლებში 127 პაციენტს ადგილზე ჩაუტარდა ოპერაცია – კატარაქტას ექსტრაქცია და ფაკოემულსიფიკაცია ხელოვნური ბროლით.
,,ამბროლაურის მუნიციპალიტეტში, ადგილობრივი მოსახლეობის საჭიროებიდან გამომდინარე მნიშვნელოვანი ჯანდაცვის და სოციალური პროგრამები ხორციელდება. ასევე, პერიოდულად ადგილზე ტარდება უფასო სამედიცინო კვლევები, რომლის ფარგლებშიც მსურველებს საშუალება აქვთ მოწვეული, სხვადასხვა პროფილის სამედიცინო პერსონალის მომსახურებით ისარგებლონ”. – აღნიშნა მერიის სოციალური და ჯანდაცვის სამსახურის ხელმძღანელმა მარიკა დვალმა.