ამბროლაურში „მედიქალ ვორლდის“ ლაბორატორიის ფილიალი გაიხსნა!
ლაბორატორია ადგილობრივ მოსახლეობას მოემსახურება სამედიცინო კვლევების მიმართულებით და პაციენტებს 800-ზე მეტი სახის ლაბორატორიულ კვლევას სთავაზობს.
გახსნის ცერემონიალს „მედიქალ ვორლდის“ დამფუძნებელი ლევან ქობალია, ამბროლაურის მუნიციპალიტეტის მერი ზვიად მხეიძე, მერის მოადგილე თამარ ქევანაშვილი, საკრებულოს თავმჯდომარე ასლან საგანელიძე და სამედიცინო სფეროს წარმომადგენლები ესწრებოდნენ.
„ჩვენი ლაბორატორია აღჭურვილია მსოფლიოს წამყვანი ბრენდების მიერ წარმოებული ანალიზატორებით რითაც ვუზრუნველყოთ კვლევების სიზუსტეს. ჩვენი მიზანია მაღალმთიანი რეგიონებისთვის სამედიცინო სერვისები გავხადოთ ხელმისაწვდომი“ – განაცხადა მედიქალ ვორლდის ლაბორატორიის დამფუძნებელმა ლევან ქობალიამ.