ამბროლაურის მუნიციპალიტეტის მერის პირველმა მოადგილემ დავით გოგლიძემ, ადმინისტრაციულ ერთეულებში მერის წარმომადგენლებთან მორიგი სამუშაო შეხვედრა გამართა.
შეხვედრის ძირითად მიზანს ,,სოფლის მხარდაჭერის პროგრამის“ ფარგლებში განსახორციელებელი ღონისძიებები წარმოადგენდა.
პროგრამის ფარგლებში, ადგილობრივ მოსახლეობასთან შეხვედრები, 31 იანვრიდან დაიწყება და 6 თებერვლის ჩათვლით გაგრძელდება.
,,სოფლის მხარდაჭერის პროგრამა“, სოფლად ინფრასტრუქტურის მოწესრიგების ერთ-ერთ მთავარ წყაროს წარმოადგენს და ხელს უწყობს მოქალაქეთა ჩართულობის გაზრდას როგორც მათი სოფლისთვის მნიშვნელოვანი საკითხების მოგვარებაში, ისე ზოგადად, თემის პრიორიტეტებისა და სამომავლო განვითარების მიმართულების განსაზღვრაში.
2024 სოფლის მხარდაჭერის სახელმწიფო პროგრამის ფარგლებში, რეგიონებში განსახორციელებელი პროექტების ფონდიდან, ამბროლაურის მუნიციპალიტეტისათვის განსაზღვრულია 734 000 ლარი.პროგრამის ფარგლებში ადმინისტრაციულ ერთეულებში მოეწყობა სანიაღვრე არხები, სტადიონები, გარე განათება, სკვერები, წყაროები, სასოფლო გზები და სხვა.