ამბროლაურის მუნიციპალიტეტში თოვლწმენდის და ელექტროენერგიის აღდგენის სამუშაოები მეორე დღეა ინტენსიურ რეჟიმში ხორციელდება.
ამ დროისთვის გაიწმინდა შემდეგი სოფლები:კრიხი, ჭელიაღელე,წესი,აბარი, ლიხეთი,თლუღი,ტბეთი,პატარა ონი, ბარეული,გორისუბანი,ჯვარისა, ქედისუბანი,სხვავა,ჟოშხა,გენდუში. თოვლწმენდის სამუშაოები ასევე მიმდინარეობს: ურავში, ჭყვიშში ,კაჩაეთში,ცახში,ხოტევში,სხარტალში,ველევსა და ნიკორწმინდაში.
ასევე ინტენსიურ რეჟიმში იწმინდება შიდა სახელმწიფოებრივი მნიშვნელობის ქუთაისი-მოწამეთა-ტყიბული-ამბროლაურის საავტომობილო გზის ნაქერალას უღელტეხილი.
სოფლებში არსებულ სიტუაციას და მოსახლეობის საჭიროებებს რაჭა-ლეჩხუმ-ქვემო სვანეთის სახელმწიფო რწმუნებული- პაპუნა მარგველიძე,ამბროლაურის მუნიციპალიტეტის მერთან ზვიად მხეიძესთან,მერის პირველ მოადგილესთან დავით გოგლიძესთან,საკრებულოს თავმჯდომარე ასლან საგანელიძესთან და ადგილობრივი ხელისუფლების სხვა წარმომადგენლებთან ერთად პირადად ეცნობა.
თოვლწმენდასთან ერთად, პარალელურად მიმდინარეობს ელექტროენერგიის აღდგენითი სამუშაოები. ამ დროის მონაცემებით, ჩატარებული სამუშაოების შედეგად ელექტროენერგიის მიწოდება აღდგენილია მუნიციპალიტეტის 49 სოფელში და კვლავ ინტენსიურად გრძელდება აღდგენითი სამუშაოები.
სამუშაოები როგორც გზების წმენდის მიმართულებით ისე ელ.ენერგიის აღდგენის კუთხით მუნიციპალიტეტის მასშტაბით, ეტაპობრივად გაგრძელდება და ყველა პრობლემურ მონაკვეთს მოიცავს.