ამბროლაურის მუნიციპალიტეტში ხორციელდება სოციალური პროგრამა, რომელიც ითვალისწინებს ,,დიალიზი და თირკმლის ტრანსპლანტაციით“ მოსარგებლეთა ყოველთვიურ ფინანსურ დახმარებას 200 ლარის ოდენობით.
გარდა ამისა, 2022 წლიდან ამბროლაურში მოქმედებს დიალიზის სერვისი. პაციენტები შესაბამის მომსახურებას საქართველოს სამედიცინო ჰოლდინგის შპს „რეგიონული ჯანდაცვის ცენტრის“ ამბროლაურის სამედიცინო დაწესებულებაში იღებენ. აღნიშნული სერვისით ამ დროისთვის 20-მდე პაციენტი სარგებლობს. კლინიკა აღჭურვილია შესაბამისი ინვენტარით და სპეციალისტებით.
ამბროლაურის მუნიციპალიტეტის მერიის სოციალური და ჯანდაცვის სამსახურის ხელმძღვანელი მარიკა დვალი, სოციალური განყოფილების თანამშრომლებთან ერთად, ამბროლაურის რეგიონული ჯანდაცვის ცენტრში დიალიზის სერვისის მიმდინარეობას გაეცნო და ინფორმაცია მომსახურების ხარისხისა და არსებული საჭიროებების შესახებ პირადად ბენეფიციარებისგან მოისმინა.