ამბროლაურის მუნიციპალიტეტის მერიაში, ადმინისტრაციულ ერთეულებში მერის წარმომადგენლებთან, სამუშაო შეხვედრა გაიმართა.
სახელმწიფო რწმუნებულის პირველი მოადგილე ქრისტინა კობახიძე, ამბროლაურის მუნიციპალიტეტის მერთან ზვიად მხეიძესთან, მერის მოადგილე თამარ ქევანაშვილთან და საკრებულოს თავმჯდომარე ასლან საგანელიძესთან ერთად ადმინისტრაციულ ერთეულებში მერის წარმომადგელებს შეხვდა.
სამუშაო შეხვედრაზე დეტალურად განიხილეს ადმინისტრაციულ ერთეულებში არსებული მდგომარეობა, მიმდინარე სამუშაოები, დაგეგმილი ღონისძიებები და პრობლემური საკითხები. იმსჯელეს ზოგიერთი მიმართულებით არსებულ ხარვეზებსა და მათი მოგვარების გზებზე.
წარმომადგენლებს მოსახლეობის მიმართვებზე სწრაფი რეაგირება და მათთვის მერიაში მოქმედ პროგრამებზე დეტალური ინფორმაციის მოწოდება დაევალათ.
მსგავსი სახის სამუშაო შეხვედრები ეტაპობრივად გაგრძელდება. პრობლემური საკითხების მოგვარების პროცესში ხელისუფლების სხვადასხვა რგოლის ჩართულობა უფრო ეფექტიანს ხდის მუშაობას და ხელს უწყობს მოსახლეობის მხრიდან გამოკვეთილი საჭიროებების დროულ მოგვარებას.