ამბროლაურის მუნიციპალიტეტის სოფლებში გზის რეაბილიტაცია გრძელდება.
სასოფლო გზების რეაბილიტაციის პირველი რიგის სამუშაოები მიმდინარეობს სოფელ ზნაკვაში, სადაც 3.7 კმ-მდე ბეტონის საფარი იგება. პირველი ეტაპის სამუშაოების ღირებულება 424 000 ლარს შეადგენს.
ბეტონის საფარის დასაგებად მოსამზადებელი სამუშაოები მიმდინარეობს სოფელ ბოსტანაში. პროექტის ღირებულება 157 000 ლარია და სამუშაოები მიმდინარე წელს დასრულდება.
პროექტების მიმდინარეობას მუნიციპალიტეტის მერის პირველი მოადგილე დავით გოგლიძე, ინფრასტრუქტურის სამსახურის წარმომადგენლებთან ერთად გაეცნო.
აღნიშნული პროექტები რეგიონებში განსახორციელებელი პროექტების ფონდიდან ფინანსდება.