ამბროლაურის კულტურის ცენტრში ადგილობრივი ჯგუფის ,, Art New Life”-ის კონცერტი გაიმართა.
ჯგუფი რამდენიმე წლიანი პაუზის შემდეგ განახლებული რეპერტუარით და შემადგენლობით პირველად წარსდგა მსმენელის წინაშე.
ღონისძიებაში ასევე მონაწილეობდნენ ადგილობრივი ანსამბლები და შემსრულებლები :მზია ფარულავა, სოსო საგანელიძე, ლილიანა მხეიძე, ხათუნა ნატმელაძე, კულტურის ცენტრთან არსებული ქორეოგრაფიული ანსამბლი, ჯგუფი,,თამარისი”. ღონისძიების ორგანიზატორი- ლილიანა მხეიძე.
„ვაპირებთ განახლებული რეპერტუარით დავბრუნდეთ მსმენელის წინაშე და გავაგრძელოთ აქტიური მოღვაწეობა. მადლობა მინდა გადავუხადო ამბროლაურის კულტურის ცენტრს და მუნიციპალიტეტის ხელმძღვანელებს მხარდაჭერისთვის. გპირდებით, რომ არაერთ საინტერესო და მრავალფეროვან ღონისძიებას შემოგთავაზებთ“- აღნიშნა ჯგუფის ხელმძღვანელმა სოსო გეწაძემ.
ამბროლაურის მუნიციპალიტეტში მიმდინარე წელს ბევრი საინტერესო ღონისძიებაა დაგეგმილი, რომელშიც მონაწილეობას მიიღებენ როგორც ადგილობრივი შემსრულებლები, ისე მოწვეული მომღერლები და ქორეოგრაფიული ანსამბლები.
საღამოს რაჭა-ლეჩხუმ ქვემო სვანეთის სახელმწიფო რწმუნებულის პირველი მოადგილე ქრისტინა კობახიძე, ამბროლაურის მუნიციპალიტეტის მერი ზვიად მხეიძე, პირველი მოადგილე დავით გოგლიძე, მოადგილე თამარ ქევანაშვილი და საკრებულოს თავმჯდომარის პირველი მოადგილე დავით ხუციშვილი ესწრებოდნენ.