ამბროლაურის მუნიციპალიტეტის მერიაში, სამოქალაქო მრჩეველთა საბჭოს სხდომა გაიმართა.
სხდომას, ამბროლაურის მუნიციპალიტეტის მერი ზვიად მხეიძე, მოადგილესთან თამარ ქევანაშვილთან ერთად უძღვებოდა.
სამოქალაქო მრჩეველთა საბჭო არის მერის სათათბირო ორგანო, რომელიც იქმნება ადგილობრივი თვითმმართველობის განხორციელებაში მოქალაქეთა მონაწილეობის ხელშეწყობისა და ამბროლაურის მუნიციპალიტეტის მერის საქმიანობის ეფექტურობის გაზრდის მიზნით.
„ხელისუფლების საქმიანობაში მოქალაქეთა ჩართულობა მნიშვნელოვანია და იმედს გამოვთქვამ, ერთობლივი მსჯელობით და თანამშრომლობით ბევრ კარგ შედეგს მივაღწევთ ჩვენი ქალაქის საკეთილდღეოდ”-განაცხადა ზვიად მხეიძემ, რომელმაც საბჭოს წევრებს ასევე ინფორმაცია მიაწოდა ამბროლაურის მუნიციპალიტეტში ამჟამად მინდინარე და სამომავლოდ განსახორციელებელი პროქტების შესახებ. თავის მხრივ, საბჭოს წევრებმა მუნიციპალიტეტის ხელმძღვანელს თავიანთი წინადადებები და მოსაზრებები გააცნეს.