გოგონათა ქორეოგრაფიული ანსამბლი ,,რაშოვდა” სტამბოლში გამართული კონკურს-ფესტივალის გამარჯვებულია.
16-22 ივლისს, ამბროლაურის დავით თორაძის სახელობის ხელოვნების სკოლასთან არსებული ანსამბლი „რაშოვდა“ მიწვეული იყო თურქეთის კონკურს-ფესტივალზე სტამბოლში, სადაც ანსამბლმა დაიკავა პირველი ადგილი და დაჯილდოვდა ნომინაციაში „საუკეთესო არტისტიზმი“, ხოლო ხელმძღვანელს, ქალბატონ მარინა ციცქიშვილს მიენიჭა „საუკეთესო ქორეოგრაფის“ ტიტული.
დღეს, ამბროლაურის მუნიციპალიტეტის მერის მოადგილე თამარ ქევანაშვილი ხელოვნების სკოლაში იმყოფებოდა, სადაც გამარჯვება პირადად მიულოცა სკოლას, ანსამბლის წევრებს , მათ ხელმძღვანელს და წარმატებები უსურვა შემოქმედებით გზაზე.
აღსანიშნავია, რომ ანსამბლმა წარმატება მოიპოვა ბათუმში გამართულ 10 დღიან კონკურს-ფესტივალში „ოქროს ზაფხული“, სადაც დააჯილდოვდნენ უმაღლესი შეფასებით „გრანპრი“.
„რაშოვდა“ 10 წლამდე შემოქმედებით ისტორიას ითვლის, ხელოვნების სკოლაში 5 წელია წარმატებული და დაუღალავი შრომით, საუკეთესო შედეგებს მიაღწია, არის რამდენიმე გრანპრისა და პირველი ადგილის მფლობელი ადგილობრივ და საერთაშორისო კონკურს-ფესტივალებში.