ამბროლაურის მუნიციპალიტეტის მერიაში, ადმინისტრაციულ ერთეულებში მერის წარმომადგენლებთან, სამუშაო შეხვედრა გაიმართა.
შეხვედრას ამბროლაურის მუნიციპალიტეტის მერი -ზვიად მხეიძე,მერის პირველი მოადგილე- დავით გოგლიძე და მერის თანაშემწე-გიგი ნატმელაძე ესწრებოდნენ.
თათბირზე სოფლებში სხვადასხვა მიმართულებით არსებულ მდგომარეობასა და იმ საჭიროებებზე იმსჯელეს, რომლებიც შესაბამისი სამსახურების ჩართულობას მოითხოვს.
განსაკუთრებული ყურადღება საგზაო ინფრასტრუქტურის, წყალსადენი სისტემების და დასუფთავების კუთხით არსებულ საჭიროებებზე გამახვილდა. აღინიშნა, რომ მუნიციპალიტეტი აქტიურ რეჟიმში მუშაობს ამ მიმართულებით და მომავალშიც მნიშვნელოვანი პროექტები იგეგმება.
წარმომადგენლებს მოსახლეობის მიმართვებზე სწრაფი რეაგირება და მათთვის მერიაში მოქმედ პროგრამებზე დეტალური ინფორმაციის მოწოდება დაევალათ.