ამბროლაურის მუნიციპალიტეტის მერმა, ზაზა ქევანიშვილმა, მერიის სტრუქტურული ერთეულების ხელმძღვანელებთან სამუშაო შეხვედრა გამართა.
შეხვედრაზე განიხილეს მიმდინარე ინფრასტრუქტურული პროექტები, ჯანდაცვისა და სოციალური მიმართულებით არსებული საკითხები და იმსჯელეს ზამთრის სეზონისთვის მოსამზადებელ სამუშაოებთან დაკავშირებით.
სამუშაო შეხვედრას სტრუქტურული ერთეულების წარმომადგენლებთან ერთად, ასევე ესწრებოდნენ დასუფთავებისა და კეთილმოწყობის სამსახურის, მუნიციპალური წყალმომარაგების მოვლა-შენახვისა და სერვის ცენტრის ხელმძღვანელები, რომლებმაც დეტალური ინფორმაცია წარმოადგინეს სოფლებში საგზაო ინფრასტრუქტურის მოწესრიგების, წყალმომარაგებისა და დასუფთავების მიმართულებით დაგეგმილი სამუშაოების შესახებ.
სამსახურების ხელმძღვანელებმა მერისგან კონკრეტული დავალებები მიიღეს.