მერიის წარმომადგენლები ქ. ამბროლაურში მდებარე შშმ ბავშვთა დღის ცენტრის სამუშაო პროცესს ადგილზე გაეცნენ.
ამბროლაურის მუნიციპალიტეტის მერიის სოციალური და ჯანდაცვის სამსახურის ხელმძღვანელი მარიკა დვალი, ამავე სამსახურის თანამშრომლებთან ერთად, ,,დღის ცენტრის” წარმომადგენლებს შეხვდა და ცენტრის ფუნქციონირებასთან დაკავშირებით დეტალური ინფორმაციები მოისმინა.
შშმ ბავშვთა დღის ცენტრი, ქ. ამბროლაურში 2019 წლიდან ფუნქციონირებს. ცენტრი ზრუნავს ბენეფიციარების სოციალური უნარების განვითარებაზე და ხელს უწყობს მათ ინტეგრაციას სოციუმში. ბავშვებთან ინდივიდუალურად მუშაობს ფსიქოლოგი და სპეც. პედაგოგი.
სამუშაო შეხვედრაზე ერთობლივი თანამშრომლობით განსახორციელებელ ღონისძიებებზე იმსჯელეს, რომლებიც ხელს შეუწყობს დღის ცენტრის უფრო ეფექტურ მუშაობას და შესაძლებელს გახდის აღნიშნული ცენტრის მომსახურებით შშმ ბავშვების გარდა, სპეციალური საჭიროების მქონე (სსმ) ბავშვებმაც ისარგებლონ.