ამბროლაურის მუნიციპალიტეტის მერმა, ზვიად მხეიძემ, სტრუქტურული ერთეულების ხელმძღვანელებთან, სამუშაო შეხვედრა გამართა.
მერმა ყურადღება გაამახვილა დიდთოვლობასთან დაკავშირებით სასოფლო გზებზე არსებულ მდგომარეობაზე. რთული მეტეოროლოგიური პირობების გამო, ამბროლაურის მუნიციპალიტეტის სოფლების ნაწილში გადაადგილება შეფერხდა️, თუმცა ჩატარებული სამუშაოების შედეგად, სოფლების დიდი ნაწილი ამ დროისთვის უკვე გაწმენდილია.
სამუშაო შეხვედრაზე სამსახურების ხელმძღვანელებმა წარმოადგინეს ინფორმაციები გასულ პერიოდში შესრულებული სამუშაოებისა და დაგეგმილი ინიციატივების შესახებ. ასევე, განიხილეს ის საკითხები, რომლებიც შესაბამის ჩართულობას საჭიროებს.
მერმა სამსახურების ხელმძღვანელებს კონკრეტული დავალებები მისცა და პრობლემურ საკითხებზე დროული რეაგირებისკენ მოუწოდა.