ამბროლაურის მუნიციპალიტეტის სოფლებში გზის რეაბილიტაცია გრძელდება.
სასოფლო გზების რეაბილიტაციის პირველი რიგის სამუშაოები ხორციელდება სოფელ ღვიარაში, სადაც ასფალტის საფარის დაგება მიმდინარეობს. პროექტის სრული ღირებულება 744 744 ლარს შეადგენს. მიმდინარე წელს განსაზღვრულია 330 000 ლარის ღირებულების სამუშაოების შესრულება, ხოლო დანარჩენი სამუშაოები გაგრძელდება 2025 წელს.
სოფელ ზედა ღვარდიაში, გზის გაფართოების მიზნით, ფერდობებიდან მოხდა კლდოვანი ქანის ჩამოწმენდა და ქვათა ცვენის საწინააღმდეგო კედლების მოწყობა. გარკვეულ მონაკვეთებზე დამონატაჟდა საგზაო ზღუდარები. სამუშაოების ღირებულება 313 000 ლარს შეადგენს.
პროექტების მიმდინარეობას მუნიციპალიტეტის მერის პირველი მოადგილე დავით გოგლიძე, ინფრასტრუქტურის სამსახურის წარმომადგენლებთან ერთად გაეცნო.
აღნიშნული პროექტები რეგიონებში განსახორციელებელი პროექტების ფონდიდან ფინანსდება.